Bakı Nəqliyyat Agentliyi Bakıda ötən ay keçirdiyi işlərin hesabatını açıqlayıb. Bu haqda 14 aprel tarixində Report məlumat verib.
Bu ilin mart ayında BNA tərəfindən görülən işlər:
- 445 yol nişanı quraşdırılıb;
- 143 piyada keçidi yenilənib;
- 9 ünvanda yeni piyada keçidləri təşkil edilib;
- 5 piyada keçidi sarı döyünən işıqla təchiz edilib;
- 8 küçə və prospektdə təhlükəsizlik səviyyəsi artırılıb;
- 4 məntəqədə 18 parklanma yeri təşkil edilib;
- 2 təhsil müəssisəsinin ətrafında sürət həddi 30 km/s-a endirilib.
Ötən ilin müvafiq dövrü ilə müqayisədə şikayət xarakterli müraciətlərin sayı 33% azalıb, məmnunluq səviyyəsi isə 18% artıb.
