Bakı, Yevlax şəhərlərində, o cümlədən Abşeron rayonunda məcburi köçkünlər üçün qəsəbələrdə fərdi yaşayış binaları əsaslı təmir olunacaq.
Dövlət satınalmalarının vahid internet portalının məlumatına görə, Qaçqınların və Məcburi Köçkünlərin İşləri üzrə Dövlət Komitəsi yanında Mənzil İstismar Departamenti tərəfindən artıq hazırlıq prosesi başlayıb.
Layihə çərçivəsində fərdi yaşayış binalarının damlarının, pilləkənlərin təmiri, yolların asfaltlanması nəzərdə tutulub.
İlkin hesablamalara görə, təmir işlərinin ümumi dəyəri 719 362,60 manat (719 min 362 manat 60 qəpik) təşkil edəcək. (media.az)
