Bakının su təminatında əsas rol oynayan Oğuz-Qəbələ-Bakı su kəmərindəki qəza səbəbindən təmir-bərpa işləri davam edir.
Bakuplus.az xəbər verir ki, İri Şəhərlərin Birləşmiş Su Təchizatı publik hüquqi şəxsin mətbuat xidmətinin rəhbəri Ceyhun Musaoğlu qəzanın nəticəsində paytaxtın bəzi ərazilərində su təminatında problemlər yarandığını bildirib.
Avqustun 22-dən etibarən suyun paytaxt ərazisinə əvvəlki qaydada mərhələli şəkildə veriləcəyi açıqlanıb.
Musaoğlu, ehtiyat su ambarlarının vəziyyətindən də danışıb və qəza hallarında bu ambarlarda olan su ehtiyatı hesabına paytaxt ərazisinə fasilələrlə suyun verildiyini qeyd edib.
O, yaxın tarixdə baş verən qəza hallarının səbəbini də açıqlayıb və su xəttində bu cür problemlərin tez-tez yaşandığını bildirib.
Son bir neçə gündə paytaxtın bəzi ərazilərində suyun əvvəlki qrafiklə verilməsində fasilələr yaranıb. Həmin xəttin bərpası üçün 24 saat iş aparılır və tezliklə yekunlaşacaq.
