Azərbaycan Yerüstü Nəqliyyat Agentliyi (AYNA) Bakı yollarında nişanlanma işləri görüb.
Bakuplus.az xəbər verir ki, Bakı dairəvi yolunda (Zağulba yolu) 3000 metrlik üfüqi nişanlanma xətləri çəkilib. Zərifə Əliyeva küçəsində də üfüqi nişanlanma xətləri təşkil olunub. Eyni zamanda, Zığ qəsəbəsi və BakuBus qarajında da nişanlanma işləri həyata keçirilib.
AYNA avtobus dayanacaq məntəqələrində də bir sıra yeni yol nişanları quraşdırıb. Bakı dairəvi yolunda (Zağulba yolu) 6 ədəd “5.12” (avtobus və ya trolleybus dayanacaq yeri) nişanı, Bakı Olimpiya Stadionunda isə 3 ədəd “giriş qadağandır” nişanı və 4 ədəd “məcburi hərəkət istiqaməti” nişanı yerləşdirilib.
