Aprelin 21-də Bakı metrosunda baş vermiş hadisə ilə bağlı aparılan araşdırma başa çatdıqdan və kompensasiya, eləcə də dəstək tədbirləri ilə bağlı qərarlar razılaşdırıldıqdan sonra ictimaiyyətə əlavə məlumat veriləcək.
Bu barədə bizim.media-ya "Bakı Metropoliteni" QSC-nin mətbuat xidmətindən məlumat verilib.
Bildirilib ki, hadisə ilə bağlı araşdırma QSC rəhbərliyinin birbaşa iştirakı ilə mühəndis-mütəxəssislər tərəfindən aparılır.
Həmçinin qeyd olunub ki, insidentdən dərhal sonra təcili tibbi yardım briqadaları sərnişinlərə operativ şəkildə ilkin yardım göstərib. İki nəfər tibb müəssisəsinə çatdırılıb, müayinədən keçib və evə buraxılıb. QSC rəhbərliyi onların yaşadıqları ünvana baş çəkərək mənəvi dəstək göstərib.
