Bakının Sabunçu rayonunda 39 yaşlı kişi həyat yoldaşına xəsarət yetirib.
Hadisə ötən ilin aprelin 8-də rayonun Sabunçu qəsəbəsində baş verib.
Mingəçevir şəhər sakini, 1988-ci il təvəllüdlü Ülvi və həyat yoldaşı Vüsalənin sonuncunun "TikTok" sosial şəbəkəsində rəy yazması səbəbindən aralarında mübahisə yaranıb. Bu zaman Ülvi əli ilə bir neçə dəfə Vüsalənin üz və baş nahiyəsindən vurub.
İş üzrə izahat verən Ülvi bildirib ki, 2023-cü ildə Vüsalə ilə ailə qurub, son vaxtlar isə aralarında tez-tez mübahisələr yaşanıb. Onun sözlərinə görə, həmin gün həyat yoldaşının "TikTok"da rəy yazdığını görüb irad bildirdikdən sonra mübahisə yaranıb və qəzəblənərək ona zərbələr endirib.
Sabunçu Rayon Məhkəməsinin hökmü ilə "Konstitusiya və Suverenlik İli" münasibətilə elan edilmiş amnistiya tətbiq olunub, təqsirləndirilən şəxs cinayət məsuliyyətindən azad edilib və iş üzrə icraata xitam verilib.
Qeyd edək ki, adlar şərtidir.
Mənbə: Demokrat.az
