“Təmiz Şəhər” ASC-nin təsərrüfat sahələrinə tur təşkil edilib. Bu haqda BakuPlus.az bu gün, 30 aprel tarixində xəbər verir.
Məlumat xarakterli turda Ekologiya və Təbii Sərvətlər Nazirliyinin, "AzerGold" Qapalı Səhmdar Cəmiyyətinin əməkdaşları və ADA Universitetinin tələbələri iştirak ediblər.
İştirakçılar tullantıların çeşidlənməsini və təkrar emal müəssisələrinə göndərilməsi prosesini izləyiblər.
Balaxanı Sənaye Parkında təkrar emal prosesi ilə tanış olan qonaqlara bildirilib ki, burada tullantıların təkrar emalından indiyə qədər 100 milyon manatdan çox dəyərdə məhsul istehsal olunub və bu məhsulların 10%-ə qədəri xarici ölkələrə ixrac edilib.
Bakı Bərk məişət tullantıların yandırılması zavodunda tur iştirakçılarına burada tullantıların termik üsulla zərərsizləşdirilməsi və il ərzində 200 milyon kilovat/saata qədər elektrik enerjisi əldə edilməsi barədə də ətraflı məlumat verilib.
[caption id="attachment_42808" align="alignnone" width="800"] Foto ETSN-in rəsmi saytı[/caption]
