Bakı Dövlət Universitetinin rektoru Elçin Babayev Kembric Mərkəzi Asiya Forumunun direktoru Montu Saksena ilə görüşüb. Bu haqda BakuPlus.az Report-a istinadən bu gün, 5 aprel tarixində xəbər verir.
Görüşdə hər iki universitet arasında təhsil və elm sahələrində ikitərəfli əlaqələr müzakirə edilib. BDU-nun rektoru ölkəmizdə son illər elm-təhsil-innovasiya istiqamətində görülən işlərdən, nailiyyətlərdən söz açıb.
Tədbirdə Bakı Dövlət Universitetinin rektoru, Kembric Mərkəzi Asiya Forumu və nümayəndə heyəti çıxış ediblər.
Görüşün sonunda qısa müddət ərzində universitetlər arasında birgə fəaliyyət planının və ikitərəfli əməkdaşlıq müqaviləsinin hazırlanması razılaşdırılıb.
