Binanın üzərinə quraşdırılmış kamera vasitəsilə cərimələrin yazılması iddiası sosisal şəbəkədə gündəm olub. Avtosfer.az xəbər verir ki, söhbət Bakı-Sumqayıt yolunun üzərində inşa edilmiş "Greenville Residence" şirkətinə məxsus binadan gedir.
Görüntünü qeydə alan şəxs iddia edir ki, binanın üzərinə quraşdırılmış kamera vasitəsilə avtobus zolağına daxil olan sürücülər müəyyən edilir və barələrində cərimələr tətbiq edilir.
Avtosfer.az-ın araşdırmasına əsasən, sözügedən kamera binanın həyətyanı sahəsinə nəzarət etmək üçün quraşdırılıb. Bu kameranın avtobus zolağı üçün quraşdırıldığı iddiası sadəcə baxış yığmaq məqsədi daşıyır.
Qeyd edək ki, Bakı-Sumqayıt yolunda avtobus zolağına nəzarət etmək üçün kifayət qədər və gözlə görünəcək yerlərdə kameralar quraşdırılıb.
