Paytaxtın Sabunçu rayonu, Balaxanı qəsəbəsində əmisi oğlu olan blogeri qətlə yetirməkdə təqsirləndirilən şəxsin cinayət işi üzrə istintaqı başa çatıb. Bu haqda bu gün, 8 iyun tarixində BizimMedia xəbər verib.
Cinayət işinin materialları Bakı Ağır Cinayətlər Məhkəməsinə göndərilib və hakim Əli Məmmədov icraatına verilib.
Hadisə bu il fevral ayında baş vermişdir. Balaxanı qəsəbəsində 24 yaşlı Əvəz Şıxməmmədov əmisi oğlu Əmrulla Güləliyev tərəfindən bıçaqla öldürülmüşdür. Təqsirkar saxlanılmış və törətdiyi əməli etiraf etmişdir. O, sərxoş olduğunu və əməli aralarında yaranan mübahisə zəminində törətdiyini bildirmişdir.
