Xuliqanlıqda təqsirli bilinən və 1,5 il müddətinə azadlıqdan məhrum edilən tanınmış aktyor, rejissor və ssenarist Rza Rzayev vaxtından əvvəl azadlığa çıxıb. Bu haqda bu gün, 2 avqust tarixində Bakuplus.az Qafqazinfo-ya istinadən məlumat verir.
Qərar Xəzər Rayon Məhkəməsi tərəfindən verilib. O, 4 aylıq həbsdən şərti olaraq azad edilib.
Hakim İlham Cəfərzadə qərar qəbul edərkən məhkumun cəzasının yarıdan çoxunu çəkməsini, cəzaçəkmə müəssisəsinin müsbət rəyini və digər halları nəzərə alıb.
Rza Rzayev “Dolu” filmindəki “Drakon” obrazı sayəsində məşhurlaşıb. O, Süleyman Rüstəm adına Xarici Dillər Təmayüllü Gimnaziyanın direktoru Tural Mirzəliyevə bədən xəsarəti yetirməkdə təqsirli bilinib.
