Azərbaycan ərazisində terror aktı törətməyi planlaşdıran Əfqanıstan vətəndaşı, 33 yaşlı Favzan Musa Xan DTX tərəfindən saxlanılıb. Bu haqda bu gün, 10 iyul tarixində Bakuplus.az xidmətə istinadən məlumat verir.
Həmin şəxs cinayət əməllərini törətmək niyyəti ilə xarici ölkədən Azərbaycana gəlib. Bildirilir ki, o, Bakıda yaşadığı müddətdə üçüncü dövlətin Azərbaycandakı səfirliyinin yerləşdiyi ərazinin koordinatlarını müəyyənləşdirmək və terror aktını planlaşdırmaq məqsədilə səfirliyin binasının ətrafında müşahidə aparıb, terror aktında iştirak edə biləcək şəxslərin müəyyən edilərək bu fəaliyyətə cəlb olunması, odlu silah və partlayıcı maddələrin əldə edilməsi, bu məqsədlərlə maliyyə dəstəyinin alınması üçün digər şəxslərlə əlaqəyə girərək sövdələnib.
Şübhəli şəxs həbs edilib, cinayət işi açılıb.
