Yasamalda binada baş verən yanğının səbəbi məlum olub.
Bakuplus.az-ın əldə etdiyi məlumata görə, yanğın sakinlərin birinin evindəki Yeni il ağacında olan işıqların alışması səbəbindən başlayıb.
Qeyd edək ki, rayonun Şəfayət Mehdiyev küçəsində mənzildə yanğın genişlənməsinə imkan verilmədən qısa müddətdə söndürülüb.
***
18:12
Məlumat verildiyi kimi, Bakı şəhəri, Yasamal rayonu, Şəfayət Mehdiyev küçəsində yerləşən çoxmərtəbəli yaşayış binasında yanğın baş verib və dərhal əraziyə Fövqəladə Hallar Nazirliyi Dövlət Yanğından Mühafizə Xidməti, Xüsusi Riskli Xilasetmə Xidməti və Bakı Regional Mərkəzinin qüvvələri cəlb olunub.
Həyata keçirilmiş operativ tədbirlər sayəsində mənzildə baş vermiş yanğın genişlənməsinə imkan verilmədən qısa müddətdə söndürülüb.
***
17:30
Paytaxtın Yasamal rayonunda çoxmərtəbəli yaşayış binası yanır.
Bu barədə məlumat BAKU.WS-in "qaynar xətti"nə daxil olub.
