Bir neçə gün öncə Xaçmazda göbələkdən zəhərlənərək ölən 1985-ci il təvəllüdlü Günel Abdullayeva elm və təhsil nazirinin köməkçisi Taleh Əhmədovun bacısıdır.
Bu barədə “Qafqazinfo” məlumat yayıb.
Günel Abdullayeva rəfiqəsi Bakı Ali Neft Məktəbinin Magistratura şöbəsinin əməkdaşı olan İ.Bayramova ilə birgə Bakıdan Xaçmaza qonaq gedib və oktyabrın 28-də Seyidli kəndi ərazisində meşə zolağında topladıqları göbələkdən yedikləri üçün zəhərləniblər.
İ.Bayramova Bakıya gətirilərkən yolda, G.Abdullayeva isə paytaxtdakı xəstəxanada vəfat edib.
