Bir sıra KİV və sosial şəbəkələrdə xaricdən poçt daşıyıcıları şirkətləri vasitəsilə çatdırılmaların ləngiməsi ilə bağlı məlumatlar yayılıb. Qeyd olunur ki, buna Azərbaycan Dövlət Gömrük Komitəsinin Hava Nəqliyyatında Baş Gömrük İdarəsinin poçt göndərişləri gömrük postunda aparılan yoxlamalar səbəb olub. Bu haqda Bakuplus.az bu gün, aprelin 19-u Day.az istinadən məlumat verir.
Baş Gömrük Komitəsindən bildirilib ki, ləngimələr gömrük sərhədindən qanunla qadağan edilmiş predmetlərin, preparatların və maddələrin, o cümlədən narkotik vasitələrin, psixotrop maddələrin keçirilməsinə cəhdlərin aşkar edilməsi, habelə maliyyə intizamının və bəyannamənin tələblərinin pozulması hallarının aşkarlanması ilə əlaqədar baş verir.
Dövlət Gömrük Komitəsi vətəndaşlar tərəfindən alınan malların bəyannaməsinin düzgün doldurulmasının zəruriliyini bir daha qeyd edib ki, bu da öz növbəsində gömrük nəzarətini asanlaşdıracaq və sürətləndirəcək.
