Kazanda "Yeni dalğa 2025" beynəlxalq musiqi müsabiqəsi başa çatıb.
1news.az xəbər verir ki, müsabiqədə Azərbaycanı "Səs Azərbaycan" vokal şousunun son mövsümünün ən parlaq iştirakçılarından biri - əfsanəvi "Karvan" qrupunun solisti İlqar Xəyalın oğlu Teymur Qənifəyev təmsil edib. O, müsabiqədə "Tamaşaçıların seçimi" mükafatına layiq görülüb. Mükafatı Teymur Qənifəyevə təqdim edən müğənni Sergey Lazarev qeyd edib ki, sənətçilər üçün ən vacib olanı tamaşaçıların qiymətidir: "Hamımız daha çox tamaşaçılar üçün çalışırıq. Ona görə də bu, mənim fikrimcə, əsas mükafatlardan biridir".
Teymur isə öz növbəsində hamıya təşəkkür edib: "Çox sağ olun. Çox xoşbəxtəm. Uca Allaha şükür etmək istəyirəm, bütün bu müddət ərzində yanımda olanlara təşəkkür edirəm. Münsiflər heyətinə, bizə kömək edən hər kəsə təşəkkür edirəm. Tamaşaçılara təşəkkür edirəm!"
Qeyd edək ki, Kazanda keçirilən müsabiqədə birinci yeri qazaxıstanlı Aleks Lim tutub.
