Kliniki Tibbi Mərkəzdə (KMT) koronar angioqrafiya xidməti (anju) yenidən göstəriləcək. Bu haqda bu gün, 11 aprel tarixində KMT-nin mətbuat xidməti məlumat verib.
Bu xidmətin köməyi ilə ürək-damar xəstəliklərinin kəskinləşməsinin və infarktların yaranmasının qarşısını almaq olar. Bu üsulda rentgen şüaları, əsasən, damarlara kontrast maddə yeritməklə əldə edilir. Kontrast maddənin damarlarda yayılması zamanı aşkar edilən maneələr aradan qaldırılır.
Koronar angioqrafiya stenokardiyalı, ürəyin işemik xəstəliyi olan xəstələrdə miokard infarktının ilk saatlarında və bəzi əməliyyatlar zamanı əməliyyatdan öncə hazırlıq məqsədilə aparılır. Eyni zamanda qapaq əməliyyatlarında, aritmiyalarda, bəzi ürək çatışmazlığı olan xəstələrdə səbəbi müəyyən etmək üçün koronar angioqrafiyadan istifadə olunur.
Koronar angioqrafiya xidməti İcbari Tibbi Sığorta üzrə Dövlət Agentliyinin Xidmətlər zərfində mövcuddur. Ölkənin hər bir vətəndaşı bu xidmətdən pulsuz istifadə edə bilər.
