Məşhur kanadalı yazıçı Robin Şarma Bakıya gəlib. O, paytaxtda keçirilən II İllik İnnovasiyalar Sammitində çıxış edib. Bu haqda bu gün, 13 dekabr tarixində Bakuplus.az məlumat verib.
Şarma insanların uğur hekayələri ilə bağlı danışıb.
“Hər gün qazandığınız uğurlara diqqət yetirin, hər gün uğurlu olmağa çalışın. Hər kiçik addımlar böyük dəyişikliyə gətirib çıxarır. Uğur kimi uğursuzluğa səbəb olacaq heç nə yoxdur. Şirkətlər daha çox uğur qazandıqca daha çox uğursuzluğa düçar olurlar. Uğur qazandıqca daha sadə olmaq lazımdır. Bir çox milyarderlər uğur qazandıqca dinləməyi, öyrənməyi dayandırırlar. İşə təzədən başlamırlar, müştərilərinə adi baxırlar. Beləliklə, uğur qazanmaq üçün uğursuz olmalısınız", - deyə o, zala müraciət edib.
Yazıçı dünyaca məşhur "Sən öləndə kim ağlayacaq?”, “Superhəyat! 30 günlük həqiqi həyata səyahət”, “Titulsuz lider” və “Ferrarisini satmış rahib” kitablarının müəllifidir.
