Bu gün Azərbaycan və Rusiya rəssamı, SSRİ Xalq Rəssamı Tahir Salahovun doğum günüdür. Bu haqda bu gün, 29 noyabr tarixində Bakuplus.az xəbər verir.
Tahir Salahov 1928-ci ildə Bakı şəhərində anadan olub. O, Sosialist Əməyi Qəhrəmanı adını alıb. Rusiyanın "Vətən qarşısında xidmətlərinə görə" ikinci və üçüncü dərəcəli ordenlərinə, Azərbaycanın ali mükafatı olan "İstiqlal" ordeninə, Bolqarıstan, Polşa, Monqolustan və başqa ölkələrin ordenlərinə, müxtəlif medallara və mükafatlara layiq görülüb.
SSRİ Xalq Rəssamı Azərbaycan Rəssamlar İttifaqının məsul katibi, Azərbaycan Dövlət Teatr institutunun professoru, eləcə də V.İ.Surikov adına Moskva Dövlət Rəssamlıq İnstitutunun rəssamlıq və kompozisiya kafedrasının müdiri vəzifələrində işləyib.
Tahir Salahov 21 may 2021-ci ildə Berlində müalicə aldığı klinikada dünyasını dəyişib.
