Əməkdar elm xadimi, fizika-riyaziyyat elmləri doktoru, Azərbaycan Texniki Universitetinin Mühəndis fizikası və elektronika kafedrasının müdiri Eldar Qocayev vəfat edib. Bu haqda 12 mart tarixində Lent.az Riyaziyyat və Mexanika İnstitutunun direktoru Misir Mərdanova istinadən məlumat verib.
Eldar Qocayev Badamdar qəbiristanlığında dəfn edilib.
Eldar Qocayev 1944-cü il dekabrın 10-da anadan olub. Fizika sahəsində 530-dan artıq elmi əsərin, 11 dərsliyin və dərs vəsaitinin, 8 patentin və ali texniki məktəblər üçün “Ümumi fizika kursu” fənn proqramının müəllifidir. 300-dən çox elmi məqaləsi xarici ölkələrin nüfuzlu jurnallarında çap olunub.
O, 2007-ci ildə Azərbaycan Respublikası Prezidentinin Sərəncamı ilə “Əməkdar elm xadimi” fəxri adına layiq görülüb.
