Prokuror 2 milyonluq oğurluq edən "alpinistlər"ə cəza istəyib. Bu haqda 22 aprel tarixində APA məlumat verib.
Bakıda evlərdən oğurluq etməkdə təqsirləndirilən Cavid Süleymanov və Əhməd Əhmədovun cinayət işi üzrə məhkəmə prosesi davam etdirilib. Bakı Ağır Cinayətlər Məhkəməsində prokuror Cavid Süleymanovun 9 il 6 ay, Əhməd Əhmədovun isə 9 il azadlıqdan məhrum edilməsini istəyib. Növbəti proses aprelin 28-nə teyin edilib.
Qeyd olunan şəxslər bu ilin 20 may tarixində saxlanılıb. Zərərçəkən Xətai Rayon Polis İdarəsinə müraciət edərək naməlum şəxsin evə daxil olaraq oradan 7 min manat, 3 min ABŞ dolları və dəyəri 150 min manat olan qızıl-zinət əşyalarını oğurlaması barədə məlumat verib.
Həmçinin, onlar Azərbaycan millisinin keçmiş futbolçusu Ceyhun Sultanovu və Daxili İşlər orqanının sabiq rəhbəri general-mayor Sahib Mirzəyevin oğlu Vüsal Mirzəyevi də qarət ediblər.
Onların əməlindən zərərçəkənlərə təxminən 2 milyon manata yaxın maddi ziyan vurulub.
