Bakıda motosikletçi təhlükəli vəziyyət yaradıb.
Bu barədə görüntülər sosial şəbəkələrdə paylaşılıb.
Bildirilib ki, sözügedən hadisə paytaxtın 8 Noyabr prospektində qeydə alınıb.
Belə ki, motosikletçi sükan arxasında düzgün oturmayıb, üstəlik telefonla da oynayıb. Sürücü bu hərəkəti ilə həm özünün, həm də digər hərəkət iştirakçılarının həyatını ciddi təhlükə altına atıb.
Sözügedən halla bağlı Bakı Şəhər Dövlət Yol Polisi (DYP) İdarəsinin baş inspektoru, polis baş leytenantı Rüstəm Əhmədli BAKU.WS-ə bildirib ki, görüntülərlə bağlı araşdırma aparılır.
Həmin videonu təqdim edirik:
