Fövqəladə Hallar Nazirliyinin otağında intim zamanı videosu çəkilən qadın polkovnikdən pul tələb edib. Bu haqda bu gün, 18 fevral tarixində Bakuplus.az Qafqazinfo-ya istinadən xəbər verir.
Zaur Mirzəyevin cinayət işi üzrə keçirilən son məhkəmədə intim videoları yayılan qadınlardan biri polkovnikdən192.000 AZN pul tələb edib.
Zərərçəkmişin sözlərinə görə, Mirzəyevin hərəkətləri nəticəsində onun həyatı darmadağın olub – işini itirib, ailəsi dağılıb, uşaqları əlindən alınıb, sığınacaqda yaşamaq məcburiyyətində qalıb.
Z.Mirzəyev gizlin çəkiliş etdiyini etiraf etsə də, videoların onun tərəfindən yayılmadığını bildirib. Zərərçəkmiş qismində olan 2 qadınla yanaşı, FHN-in özü də iştirak edir. Belə ki, polkovnik hərəkətləri ilə nazirliyin nüfuzuna zərbə vurub.
Ötən ilin avqust ayında FHN-in polkovniki Zaur Mirzəyevin öz iş otağında 3 fərqli qadınla intim yaşaması barədə videogörüntülər yayılmışdı.
