Bu barədə Sumqayit24.az-a şəhər sakinləri tərəfindən müraciət daxil olub.
Şikayətçi mağazadan aldığı “NUR” çörək zavodunun məhsulunda daş və ya beton parçasına bənzər cisimlər çıxdığını, bunun daha əvvəl də bir neçə dəfə yaşandığını bildirib.
Sumqayit24.az-ın əməkdaşı məsələni dəqiqləşdirmək üçün “NUR” çörək zavodu ilə əlaqə saxlayıb.
Zavodun məsul şəxs Zöhrab Cabbarov bildirib ki, zavodda istehsalat sahəsi olduğu üçün bütün proses kameralar vasitəsilə, onlayn şəkildə nəzarət olunur:
“Daxili nəzarət var. Hər bir müştəri buna baxa bilər. Həmçinin marketlərə çatdırılma prosesi də nəzarət altında aparılır. Tam əminliklə deyə bilərik ki, çörəyə yad cismin düşmə ehtimalı “sıfra” bərabərdir, bu, mümkün deyil. Bütün istehsalat prosesi tam nəzarətdədir”.
Nəzrin Vahid
