Bu gün axşama doğru Bakıda və Abşeron yarımadasında külək zəifləyəcək. Bu haqda bu gün, 13 aprel tarixində Bakuplus.az Milli Hidrometeorologiya Xidmətinə istinadən məlumat verir.
Aprelin 13-ü saat 08:00-a olan məlumata görə, Bakıda və Abşeron yarımadasında küləyin sürəti 26 m/s, Çilov adasında 19 m/s, Neft Daşlarında 15 m/s təşkil edir. “Neft Daşları” stansiyasından verilən məlumata görə, Xəzər dənizində dalğaların hündürlüyü 2,6 metrə çatıb.
Bakıda və Abşeron yarımadasında havanın minimal temperaturu 10 dərəcəyə yaxın olub.
