Paytaxtın Yasamal rayonu Tbilisi prospektində yerləşən “1033” klubunda polis əməkdaşları əməliyyat keçirib. Bu haqda bu gün, 23 noyabr tarixində APA məlumat yayıb.
İctimai iaşə obyektində müştərilərin böyük hissəsinin vaksin olunmadığı aşkarlanıb. Müəssisə rəhbərliyi və peyvənd sertifikatı olmayan şəxslər məsuliyyətə cəlb olunublar.
Onlar polis bölməsinə aparılıblar.
18:00 - xəbər yenilənib
Daxili İşlər Nazirliyinin verdiyi məlumata əsasən, müəssisədə karantin qaydalarının pozulması - “COVİD-19” pasportu yoxlanılmadığı və müştərilərə qəlyan verildiyi məlum olub.
Gecə klubunun rəhbəri əvvəllər məhkum olunmuş Mehdi Abbasov barəsində cinayət işi açılaraq məhkəmənin qərarı ilə 4 ay müddətinə azadlıqdan məhrum edilib.
