Paytaxtda fəaliyyət göstərən 3 saylı uşaq evində qotur xəstəliyinin yayılması gündəmi zəbt edən mövzulardan oldu.
Maraqlıdır ki, bu müəssisənin adı dəfələrlə qalmaqallarda hallanıb.
Sonuncu dəfə buradan 15 yaşlı qızın qaçması xəbəri yayılıb, daha əvvəl isə bir azyaşlının döyüldüyü iddia olunub.
Bəs kimsəsiz uşaqların fiziki və mənəvi təzyiqlərə məruz qaldıqları, sağlamlıqları təhlükədə olan bu uşaq evi ilə bağlı hər hansı tədbir görülübmü?
Məsələ ilə bağlı Sosial Xidmətlər Agentliyinin sözçüsü Murad Həşimov bildirib ki, qoturluqla bağlı ilkin şübhə meydana çıxandan aidiyyəti tibb müəssisəsinə müraciət edilib:
"Həmin 5 uşaq stasionar müalicəyə cəlb edilib, müalicə prosesinin ardından onlar laborator testin nəticəsinə əsasən müəssisəyə qaytarılıblar. Hazırda vəziyyətləri yaxşıdır. Qoturluq diaqnozu qoyulan andan etibarən Gigiyena və Epidemiologiya Mərkəzinin mütəxəssisləri tərəfindən müəssisədə dezinfeksiya tədbirləri həyata keçirilib. Sözügedən yoluxmanın evlərinə göndərilən uşaqlar vasitəsilə müəssisə sakinlərinə kənardan keçdiyini düşünürük".
Ətraflı Baku TV-nin süjetində:
