Ərini sifarişlə öldürtməkdə ittiham olunan Əzizə Seyidova və qətli törətməkdə təqsirləndirilən şəxslərin cinayət işləri Bakı Ağır Cinayətlər Məhkəməsinə göndərilib. Bu haqda bu gün, 20 iyul tarixində Bakuplus.az APA-ya istinadən məlumat verir.
Toplanmış sübutlar əsasında cinayətin əvvəllər Əli Seyidlinin həyat yoldaşı Əzizə Seyidovanın sifarişi ilə əlbir olan bir qrup şəxs: Mehdi Məmmədov, Bəxtiyar Fərzəliyev və Elvin Əliyev tərəfindən törədilməsinə əsaslı şübhələr müəyyən edilib.
Cari il martın 16-da 30 yaşlı Əli Seyidli yaşadığı evin qarşısında öldürülüb. Aparılan araşdırma zamanı şübhələr yaranıb ki, qətli mərhumun arvadı, 23 yaşlı Əzizə Seyidova sifariş edib. 42 yaşlı Mehdi Məmmədov, 35 yaşlı Elnur Əliyev və 28 yaşlı Bəxtiyar Fərzəliyev isə sifariş əsasında qətli törədənlər olublar. Saxlanılan şəxslər barəsində istintaq zamanı həbs qətimkan tədbiri seçilib.
