Maştağada yerləşən 1 nömrəli Respublika Psixiatriya xəstəxanasında mualicə alan xəstələr şikayət edirlər. Bu haqda 18 fevral tarixində Bizim.media məlumat verib.
Maştağa qəsəbəsində yerləşən 1 saylı Ruhi-Əsəb Dispanserində həkimlər ruhi xəstə olan qadınları qanunsuz işlədirlər. Şikayətçilər bildirirlər ki, sahibsiz olmalarından sui-istifadə edib onlara qab yuduzdururlar, ən ağır təmizlik işləri gördürürlər.
“Sahibləri yoxdur, çölə atmırıq, əvəzində sağa-sola işlədirik”, - həkimlərin biri əməllərinə haqq verib.
“Həmin xəstələrin fiziki istismarı tibb etikasına ziddir və yolverilməzdir. Bu tip xəstəlikdən əziyyət çəkən şəxslərin İQ-su olmasa da, EQ-yəni emosional zəkaları var, duyğuları var, onlara qarşı edilən zorakılığı, istismarı hiss edə və bundan sarsıla bilərlər”, - məsələ ilə bağlı Psixoloq Mədinə Rəsul fikrini bildirib.
Maştağadakı Ruhi-Əsəb Dispanserində bu birinci hadisə deyil. 2020-ci ildə də dispanserdə xəstələri ələ salan, şəxsiyyətlərini təhqir edən video çəkilərək yayımlanmışdı.
