Məşhur pianoçu, bəstəkar, Əməkdar artist İsfar Sarabskiyə ikinci dəfə "Alman Caz” mükafatı veriləcək. Bu haqda BakuPlus.az Qaynarinfo-ya istinadən bu gün, 5 aprel tarixində xəbər verir.
Bəstəkar aprelin 27-də Almaniyanın Bremen şəhərində keçiriləcək mükafatlandırma mərasimində iştirak edəcək.
"Tədbir tamaşaçılar qarşısında baş tutacaq. Hazırkı caz səhnəsinə şahidlik edən 31 fərqli kateqoriyada müxtəlif, maraqlı canlı ifaları və 81 nominasiyanı səbirsizliklə gözləyə bilərsiniz. "İlin beynəlxalq debüt albomu” kateqoriyasında ən yaxşı musiqiçilər arasında namizəd olmaqdan şərəf duyuram və xoşbəxtəm”, - deyə Əməkdar artist bildirib.
