Azərbaycanda dünyasını dəyişən 63 yaşlı kişinin pensiya kapitalında 50 000 manata yaxın vəsait toplanıb.
Qaynarinfo xəbər verir ki, bu barədə vəfat edən kişinin xanımı sosial şəbəkədə məlumat verib.
Qadın bildirib ki, onun 54 yaşı var və işsizdir, əri isə 63 yaşında dünyasını dəyişib.
Qadının həyat yoldaşının pensiya kapitalında toplanmış vəsaitdən pensiya, yaxud müavinət almaq hüququ varmı? Əgər varsa, bunun üçün hara müraciət etməlidir?
Vəkil Əkrəm Həsənov Qaynarinfo-ya açıqlamasında bildirib ki, həmin qadın pensiyaya çıxanda 65 yaşı olacaq:
"Qadınların pensiyaya çıxmaq yaşı hər il 6 ay artır. Yəqin ki, bu xanım 65 yaşında pensiyaya çıxacaq. Həmin qadın pensiyaya çıxanda ona ərinə çatmalı olan pensiyanın 80%-i veriləcək".
