Sumqayit24.az-a bu barədə H.Z.Tağiyev qəsəbəsi və “Stansiya Sumqayıt” yaşayış massivində yerləşən “Hərbi şəhərciyin” sakinləri məlumat veriblər. Onlar bir həftədir ki, susuz qaldıqlarını iddia edirlər.
İri Şəhərlərin Birləşmiş Su Təchizatı Xidməti məsələ ilə bağlı redaksiyamıza açıqlama verib. Qurumun məlumatında deyilir:
“Metak” zavodunun yanında “Tağıyev-1” və “Tağıyev-2” xəttləri arasında d500 mm əlaqənin yaradılması ilə bağlı H.Z.Tağıyev-2 N/S-dan çıxan sağ xətt bağlanılıb.
Bu səbəbdən “Stansiya Sumqayıt”ın bir hissəsi, Ceyranbatan ərazisi, “TUĞ zavod”, “Asfalt Zavod”, Mero ərazisi və H.Z.Tağıyev qəsəbəsinin su təchizatında fasilələr yaranıb.
Hazırda təmir-bərpa işləri davam etdirilir. Çalışırıq ki, bu günün sonuna qədər su təchizatı bərpa olunsun. Yaranmış vəziyyətlə bağlı sakinlərdən üzr istəyirik”.
Nəzrin Vahid
