Türkiyədə zəlzələdə dünyasını dəyişən azərbaycanlı tələbələrin (Samir Quliyev, Şahin Vəliyev, Hümam İsmayıllı və Gündüz Nəzərzadə) cənazələri Bakıya gətirilib. Bu haqda bu gün, 16 fevral tarixində Report məlumat verib.
Mərhumların cənazələrini Heydər Əliyev Beynəlxalq Aeroportunda yaxınları qarşılayıblar.
III kurs tələbəsi Samir Quliyev Gədəbəy rayonunun qəbiristanlığında son mənzilə yola salınacaq.
Sonuncu kursda təhsil alan Şahin Vəliyev Gəncədə dəfn olunacaq.
İnönü Universitetinin magistr tələbəsi Gündüz Nəzərzadə Sumqayıtda, 4-cü kurs tələbəsi Hüman İsmayıllı isə Sumqayıt şəhərinin Corat qəbiristanlığında torpağa tapşırılacaq.
Türkiyədə baş vermiş güclü zəlzələ nəticəsində 35.418 nəfər ölüb, 105.505 nəfər yaralanıb.
[URIS id=90833]
