Xalq artisti Ənvər Həsənov xəstəxanadan evə buraxılıb. Bu haqda bu gün, 5 sentyabr tarixində Bakuplus.az Report-a istinadən xəbər verir.
Sənətkarın qızı Aytən Həsənovanın sözlərinə görə, atasının səhhəti yaxşılaşmağa doğru gedir. Ehtiyac yarandığı təqdirdə təkrar müayinələr xəstəxanada həyata keçiriləcək.
TƏBİB isə əlavə edib ki, Xalq artistinin öz istəyi və həkimlərin tibbi rəyinə uyğun olaraq, müalicə həkim müşahidəsi altında evdə davam etdiriləcək.
29 avqust tarixində Ənvər Həsənovun sağlamlığında problem yarandığından Xalq artisti xəstəxanaya yerləşdirilmişdir. Daha sonra onun COVİD-19 testi pozitiv çıxmışdır.
