Paytaxtın Yasamal rayonu, Zivərbəy Əhmədbəyov küçəsi 10 ünvanında qədim tikili qəzalı vəziyyətdədir. Bu haqda bu gün, 6 aprel tarixində Bakuplus.az Real TV-yə istinadən xəbər verir.
Süleyman Sani Axundovun yaşadığı binanı bu gün göydələnlər əhatə edir. 3 mərtəbəli tikilinin böyük hissəsi baxımsız vəziyyətdədir.
Tikilidə yarı uçmuş tavan, çürümüş taxta döşəmə, kif basmış divarlar müşahidə olunur. Sakinlər bildirir ki, yaşadıqları ev ətrafda ucaldılan göydələnlərin zibilləri ilə doludur.
“Yaxınlıqdan böyük avtomobil keçəndə belə ev silkələnir”, - deyə onlar əlavə edib.
Rayon İcra Hakimiyyətində məsələdən xəbərdar olduqlarını və artıq müvafiq qurumlara müraciət etdiklərini bildiriblər. Mədəniyyət Nazirliyi isə tarixi binanın muzey statusu almasının planda olmadığını bildirib.
[caption id="attachment_39637" align="alignnone" width="800"]
Foto Real TV-nin rəsmi Youtube kanalı[/caption]
