Bakıda parklanma qaydasını kobud şəkildə pozan sürücüləri DYP cərimələyib. Bu haqda 1 mart tarixində Avtosfer.az xəbər verib.
Yasamal rayonu, Əsəd Əhmədov küçəsində 99-VT-527 qeydiyyat nişanlı “Chevrolet” markalı avtomobilin sürücüsü Elvin Babayev avtobus dayanacağını zəbt edib. Dayanma-durma qaydalarını pozan sürücü 40 manat məbləğində cərimə olunub.
Oxşar hadisə Şövkət Ələkbərova küçəsində baş verib. Döngədə parklanma qaydalarını pozan 10-BV-090 qeydiyyat nişanlı “Mitsubishi” markalı avtomobilin sürücüsü Nigar Axundova 20 manat məbləğində cərimələnib.
