Paytaxtın Yasamal rayonunda sahəsi 5 hektardan çox olan meşə baxımsız vəziyyətdədir. Bu haqda bu gün, 27 iyul tarixində Bakuplus.az “ARB 24”-ə istinadən xəbər verir.
Ərazidə məişət tullantıları, heyvan cəsədləri və küçə itlərini görmək olar, ağacların isə bəziləri aşıb, digərləri susuzluqdan quruyur. Sahədə mişar daşından hörülmüş hasar da mövcuddur, ancaq onun sahibinin kim olduğu məlum deyil.
Sakinlərin sözlərinə görə, onlar ağaclıq ərazidə istirahət etməyi çox istəsələr də, xoşagəlməz mənzərə və pis qoxu buna imkan vermir.
Rayon İcra Hakimiyyəti meşəlik sahənin onun balansında olmadığını bildirib. Ekologiya Nazirliyindən isə araşdırma aparılacağını vurğulayıblar.
Daha öncə, sakinlər ərazinin təmizlənməsi üçün aidiyyəti qurumlara şikayət etmişdilər və Yaşıllaşdırma Təsərrüfatı Birliyi problemin həll olunacağını bildirmişdir.
[caption id="attachment_54154" align="alignnone" width="800"] Foto ARB24-ün rəsmi Youtube kanalı[/caption]
