Paytaxtın Xətai rayonu ərazisində dələduzluq faktı qeydə alınıb.
Teleqraf.аz xəbər verir ki, zərərçəkən yaxın dostunun təklifi ilə onların ortaq tanışları olan bir nəfərə birgə biznes qurmaq məqsədi ilə 7000 manat verdiyi, amma pulunu geri ala bilmədiyi barədə polisə müraciət edib.
Araşdırmalarla həmin şəxsin pulu alan adama elə qeyd edilən məbləğdə borcu olduğu və pulu qaytarmaq üçün bu yola əl atdığı məlum olub. Zərərçəkən vəsaitin geri qaytarılması ilə bağlı ortaq tanışlarına müraciət etdikdə isə kart hesabına köçürülən pulun dostu tərəfindən öz borcunun ödənilməsi məqsədilə göndərildiyini deyib.
Polis əməkdaşları tərəfindən həyata keçirilən tədbirlərlə dələduzluq törətməkdə şübhəli bilinən 59 yaşlı M.Kərimov saxlanılıb.
Faktla bağlı araşdırma aparılır.
