Xətai rayonunda yolun kənarını avtomobil təmiri sexləri zəbt edib, bu azmış kimi, yolun digər kənarına da köhnə avtomobillər yığılıb. Bu haqda BakuPlus.az Xəzər Xəbərə istinadən bu gün, 21 oktyabr tarixində xəbər verir.
Bir ay əvvəl həmin yolda yaranmış vəziyyətin ən qısa zamanda aradan qaldırılacağı bildirilib, lakin heç nə dəyişməyib.
Yolun hər iki tərəfinin zəbt olunması bu yoldan istifadə edənlərin işini çətinləşdirir. Sakinlərin sözlərinə görə, vəziyyətlə bağlı aidiyyəti üzrə müraciət etsələr də, dərdlərinə çarə tapılmır.
Bakı Şəhər Baş Dövlət Yol Polis İdarəsinin baş inspektoru Araz Əsgərli deyir ki, ərazidə olan avtomobillər dövlət qeydiyyatından çıxarılmış maşınlardır. Onların ərazidən uzaqlaşdırılmasına gəlincə isə bununla bağlı aidiyyəti üzrə tapşırıqlar verilib.
Xətai rayon icra hakimiyyətindən isə bildirildi ki, vəziyyətlə bağlı ərazidəki sexlərin sahibləri ilə danışıqlar aparılıb və ərazinin təmizlənməsi üçün onlara 1 ay möhlət verilib.
Əgər vaxt bitdikdə oradakı vəziyyət yenə dəyişməsə, o zaman qurum tərəfindən bütün maşınlar oradan toplanılıb, aidiyyəti üzrə təhvil veriləcək.
[caption id="attachment_75760" align="alignnone" width="640"]
Foto Xəzər Xəbərin rəsmi Youtube kanalı[/caption]
