Yasamal rayonunda yerləşən beşmərtəbəli yaşayış binasında baş vermiş yanğın tam söndürülüb.
Fövqəladə Hallar Nazirliyi Dövlət Yanğından Mühafizə Xidməti qüvvələrinin peşəkar fəaliyyəti sayəsində binanın dam örtüyündəki yanğının mənzillərə keçməsinə imkan verilməyib. Hadisə zamanı xəsarət alan olmayıb.
Əraziyə ümumilikdə 18 əsas və xüsusi texnika, 90 nəfər şəxsi heyət cəlb olunmuşdur.
09:29 - “Olimp”in yanında yanğın baş verib
Yasamal rayonu, İnşaatçılar prospektində yerləşən yaşayış binasında yanğın baş verib. Bu haqda 23 iyun tarixində Bakuplus.az məlumat verir.
Hadisə Dövlət Mədəniyyət və İncəsənət Universiteti ilə üzbəüz olan yaşayış binasının dam örtüyündə qeydə alınıb. Fövqəladə Hallar Nazirliyinin qüvvələri tərəfindən yanğının söndürülməsi istiqamətində tədbirlər davam etdirilir
Əraziyə xüsusi təyinatlı texnikalar və insan qüvvəsi cəlb edilib. Təhlükəsizlik tədbirləri çərçivəsində bina sakinlərinin təxliyəsi həyata keçirilib.
Hazırda fövqəladə hallar nazirinin müavini general-leytenant Etibar Mirzəyev və Dövlət Yanğından Mühafizə Xidmətinin rəisi daxili xidmət general-mayoru Hikmət Abbasov hadisə yerindədir.
Əlavə məlumat veriləcək.
[caption id="attachment_104287" align="alignnone" width="640"]
Foto Bakuplus.az[/caption]
[caption id="attachment_104286" align="alignnone" width="640"]
Foto Bakuplus.az[/caption]
[video width="1920" height="1080" mp4="https://bakuplus.az/storage/photos/2023/06/baku.mp4"][/video]
