Bakıda "Back & Bond" mağazasından öz əməkdaşı oğurluq edib.
Hadisə "Park Bulvar" ticarət mərkəzində qeydə alınıb.
Belə ki, satıcı kimi işləyən 1996-cı il təvəllüdlü şəxs ona etibar edilmiş özgə əmlakını öz qulluq mövqeyindən istifadə edərək talamaqla ələ keçirib. Onun mağaza bağlandıqdan sonra kassadan qanunsuz olaraq götürdüyü pulun məbləği 2413 manat təşkil edib.
Təqsirləndirilən şəxs qismində dindirilmiş satıcı ifadəsində bildirib ki, övladının xəstəliyi ilə əlaqədar müəyyən məbləğdə xəstəxana xərci lazım olduğundan öz müdirinə ona pul verməsini xahiş edib. Müdiri razılıq versə də, ona lazım olan vaxtda pul vermədiyindən bu əməli törətmətə məcbur olub.
O, dəymiş ziyanı qarşı tərəfə ödəyib, tərəflər arasında barışıq əldə olunub.
Cinayət Məcəlləsinin müvafiq maddəsi ilə başladılan cinayət işinə xitam verilib.
Mənbə: xitab24.az
