16 yaşlı qız, onu erkən evləndirmək istəyən ailəsini polisə şikayət edib.
Bakuplus.az xəbər verir ki, bu barədə Azərbaycan Uşaqlar Birliyinin sədri Kəmalə Ağazadə məlumat yayıb.
Onun sözlərinə görə, bütün dövlət qurumlarına müraciət edərək vəziyyəti bildirib.
“Nəticədə qız yaşadığı kənddən çıxarılıb və uzun müddət reabilitasiya keçib. Sonda onun əmisinin himayəsinə verilməsi qərara alınıb. Qız əmisini çox sevdiyi üçün bu qərara böyük sevinclə yanaşıb. Artıq azyaşlı qızlar belə hallara susmur, evlilikdən öncə təhsilin nə qədər vacib olduğunu anlayırlar”, - deyə o, əlavə edib.
K.Ağazadə qeyd edib ki, bu cür hadisə son dövrlərdə üçüncü dəfədir ki, təkrarlanır.
