Bakı metrosunun “20 Yanvar” stansiyasında törədilən terror aktından 31 il keçir.
1994-cü il martın 19-da Bakı metropoliteninin “20 Yanvar” stansiyasında qatarın baş vaqonuna qoyulmuş saat mexanizmli əldədüzəltmə bomba qatar stansiyada dayananda işə düşüb. Törədilmiş partlayış nəticəsində 14 nəfər həlak olub, 49 nəfər isə yaralanıb.
Cinayətin törədilməsində şübhəli bilinən “Sadval” Ləzgi Milli Hərəkatının 11 üzvü həbs edilib. Onlardan ikisinə ölüm hökmü verilib, doqquz nəfər isə müxtəlif müddətə azadlıqdan məhrum edilib. Terror aktının icraçısı Oqtay Qurbanov isə partlayış zamanı ölüb.
Qeyd edək ki, Azərbaycanın xalq artisti, bəstəkar Rafiq Babayev də metroda törədilən terror aktı zamanı həlak olub.
