Binəqədi rayonu 7-ci mikrorayonda kanalizasiya suyu zirzəmiyə dolur. Bu haqda bu gün, 12 iyun tarixində Bakuplus.az ATV-yə istinadən xəbər verir.
Hadisə rayonun Abay Kunanbayev, 12 ünvanında baş verib. Belə ki, kanalizasiya boruları baxımsız olduğundan çirkab sular birbaşa zirzəmiyə dolur. Yayda və qışda daim dolu olan zirzəmi səbəbindən həşəratlar çoxalır, binanın bünövrəsi zədələnib, qoxudan dayanmaq mümkün olmur.
“Evə girmək olmur, hər yer nəmdir, ağcaqanadlardan yaşamaq mümkün olmur, qapı-pəncərəni açmaqdan qorxuruq”, - deyə sakinlər şikayət edirlər.
“Azərsu”dan məsələ ilə bağlı bildiriblər ki, yaxın zamanda nasaz borular yeniləri ilə əvəz olunacaq.
[caption id="attachment_103222" align="alignnone" width="640"]
Foto ATV-nin rəsmi Youtube kanalı[/caption]
