Azərbaycan Qida Təhlükəsizliyi Agentliyi (AQTA) ölkə ərazisində yerləşən çörək sexlərində yoxlamalar aparıb. Bu haqda bu gün, 5 avqust tarixində Bakuplus.az quruma istinadən məlumat verir.
Yoxlamalar zamanı 11 müxtəlif istehsalçıya məxsus çörəkdə kif və maya göbələkləri aşkarlanıb. İstehsalçılardan biri paytaxtın Binəqədi rayonu, İ.Dadaşov küçəsində yerləşən "Magnat Group" MMC-dir. Aşkar olunmuş nöqsanlarla əlaqədar müvafiq tədbirlər görülüb.
Əgər vətəndaşların qida məhsullarının minimum keyfiyyət və təhlükəsizlik göstəriciləri ilə bağlı şübhələri olarsa, bu barədə konkret faktlarla agentliyin “1003 - Çağrı Mərkəzi”nə müraciət edə bilərlər.
