Sözügedən avtobus “Xaliq Faiqoğlu”nun istismarında olduğu üçün şirkətə sorğu ünvanladıq.
“Xaliq Faiqoğlu”dan Bakuplus.az-a bildirilib ki, hadisədən artıq xəbərdardırlar:
"Məsələ tərəfimizdən araşdırılıb. Həmin sürücünün daha əvvəllər də sərnişinlərlə ünsiyyətdə aqressivlik etməsi müşahidə olunub. Bu səbəbdən sürücü artıq xətdən kənarlaşdırılıb".
10:56
***
Bakıda sərnişinlərlə dava-dalaş salıb qəza şəraiti yaradan avtobus sürücüsünün görüntüsü Bakuplus.az-ın kamerasına tuş gəlib.
Bu gün saat 07:30 radələrində 199 nömrəli marşrut xətti üzrə hərəkət edən 99-JS-757 nömrəli avtobusun sürücüsü dəfələrlə qəza şəraiti yaradıb.
Marşrut üzrə hərəkət edən avtobuslar arasında həddindən artıq böyük intervalın olması səbəbi ilə salon sərnişinlərlə dolu olub, sürücü isə bu haldan hiddətlənərək onlarla dava-dalaş edib, arxa görünüş güzgüsünü görə bilməməsini deyərək insanları təhqir edib.Sürətlə hərəkət edən avtobusun sükanından əlini çəkərək əl-qolla danışdığı üçün sürücü 3 dəfə qəza şəraiti yaradıb. Nəticədə də insanların həyatını təhlükəyə atıb, avtobusda olan yaşlı insanların səhhətində problem yaşanıb.
Sərnişinlər sürücüdən qaydalara riayət etməsini dəfələrlə tələb etsələr də, o, buna məhəl qoymayaraq, təhlükəli manevrləri ilə avtobusu idarə etməkdə davam edib.
