Azərbaycan Yerüstü Nəqliyyat Agentliyi (AYNA) yol infrastrukturunun təkmilləşdirilməsi, nəqliyyat şəraitinin yaxşılaşdırılması, sürücülərin və piyadaların təhlükəsizliyinin təmin edilməsi, sərnişindaşımada keyfiyyətin yüksəldilməsi istiqamətində işlərini davam etdirir.
AYNA-dan Bakuplus.az-a verilən xəbərə görə, Nərimanov prospekti, M.Müşfiq və Q.Xəlilov küçələrinin kəsişməsində müvafiq təhlillər aparılıb.
Təhlillər zamanı müəyyən edilib ki, sözügedən kəsişmədə Q.Xəlilov küçəsindən Nərimanov prospekti istiqamətində, eləcə də Nərimanov prospektindən M.Müşfiq küçəsi istiqamətində hərəkət edən nəqliyyat vasitələri arasında mübahisəli vəziyyət yaranır.
Bu da yol kəsişməsində mütəmadi olaraq qəza vəziyyətlərinin, həmçinin sıxlıq hallarının yaranmasına gətirib çıxarır.
Bundan əlavə, yolayırıcının hüdudları boyunca piyada keçidlərinin olmaması müəyyən edilib.
Sadalanan çatışmazlıqlar qeyd edilən yol kəsişməsində hərəkət sıxlığına səbəb olmaqla yanaşı yol-nəqliyyat hadisələrinin baş vermə riskini artırır.
Simulyasiya ərazidəki hazırki vəziyyəti əks etdirir.
