Nəsimi rayonu, Səməd Vurğun 116 küçəsində yerləşən binada istilik borusu partlayıb, nəticədə tavanda çöküntülər yaranıb.
Sakinlərin sözlərinə görə, binanı istilik ilə təmin edən su borusu artıq 20 günə yaxındır ki, partlayıb. Həmin borunun yanından elektrik naqillərinin keçməsi sakinləri daha da qorxudur. Binanın zirzəmisində suyun dizə qədər yığılması müşahidə olunur.
Əvvələr də istilik sistemindəki boruların partladığını bildirən sakinlər deyirlər ki, təmir üçün onlardan pul yığılıb, amma nəticə eynidir. Borular yenə də sıradan çıxır.
Sakinlər istilik idarəsi ilə əlaqə saxlasalar da, qurumdan onlara texniki dəstək verilməyib.
“Azəristiliktəchizat” ASC 1 saylı İSİS 1-ci sahənin rəisi Elmin Rüstəmovun sözlərinə görə, binadakı təmir işləri mülkiyyətçilər və balansaxlayacılar tərəfindən təmir olunmalıdır. Bina mənzil istismarın balansında olsa da, Azəristiliktəchizata müraciət olunsa, qurum texniki dəstək göstərməyə hazırdır.
