Paytaxtın Nəsimi rayonu, Ənvər Hüseynov, 7 ünvanında yerləşən bina çökə bilər. Bu haqda bu gün, 24 aprel tarixində Bakuplus.az Baku TV-yə istinadən xəbər verir.
Belə ki, 20 mərtəbəli binanın altından zirzəmisinə su sızmağa başlayıb. Vəziyyət o dərəcəyə çatıb ki, tikilinin yeraltı dayanacağında avtomobil saxlamaq belə çətin olub.
“Haradasa 3-4 ay bundan qabaq başladı üzə çıxmağa. Qaraj həqiqətən də pis vəziyyətdədir. Hər gün su çoxalır. Bütün o “kotlovandan” qazılan yerlər, divarlar hamısı artıq nəm olub, ovulub tökülür. Biz qorxuruq ki, bina qəzalı vəziyyətə düşər”, - deyə sakinlər bildirirlər.
Sözügedən binanın komendantı qeyd edib ki, binanın yanından içməli su boruları keçir. Sızma da həmin borulardandır.
“Azərsu”dan isə vurğulayıblar ki, məsələdən xəbərdardırlar. Bəzi nöqtələrdə sızma bağlanıb, ancaq borunun digər yerlərində sızmanın olub-olmaması bilinmir. Hazırda əraziyə mütəmadi nəzarət olunur.
[caption id="attachment_98235" align="alignnone" width="640"]
Foto Baku TV[/caption]
