Aprelin 9-u 9-cu siniflərin ilk buraxılış imtahanı baş tutub. Lakin Binəqədi rayonu 83 saylı məktəb-liseydə autizm spektr pozuntulu şagird imtahana buraxılmayıb. Bu haqda bu gün, 1 aprel tarixində Bakuplus.az ATV-yə istinadən məlumat verir.
Liseydə təşkil olunan buraxılış imtahanında şagirdin valideyninə bildirilib ki, övladı imtahanda iştirak edə bilməyəcək. İmtahan rəhbəri səbəb kimi həmin şagirdin xəstəliyi ilə bağlı Dövlət İmtahan Mərkəzinə (DİM) heç bir sənədin təqdim olunmamasını göstərib.
Bəs həssas qrupun üzvləri üçün proses necə aparılmalı və buna kim nəzarət etməlidir?
“Elektron ərizəsini təsdiq etdikdən sonra, yəni ən qısa iş günü müddətində Dövlət İmtahan Mərkəzinə yaxınlaşaraq ərizə ilə müraciət etməlidir. Biz də onun üçün imtahanda zəruri şəraiti yarada bilək. Bütün regionları əhatə edən bizim regional bölmələrimiz də var. Həmin regional bölmələrə də bizə müraciət edə bilərlər,” - DİM-in sektor müdiri Məhəmməd Məmmədov deyib.
Maraqlıdır, bəs həmin uşaqlar üçün yerində imtahan təşkil etmək mümkündürmü?
“Hər şagirdin özünün əvvəldən yeri müəyyən olunur. Buraxılış vərəqəsində uşaqğın hansı binada, hansı zalda, hansı sıra, hansı yerdə əyləşəcəyi qeyd olunur. İştirakçı bizə müraciətdə gecikdikdə artıq həmin kitabçası çap olunandan sonra, yeri hazır olandan sonra onun yerini dəyişmək mümkün deyil,” - DİM-in nümayənədsi əlavə edib.
İmtahana buraxılmayan həmin şagird mayın 14-də təşkil olunan buraxılış imtahanında yenidən iştirak edə bilər.
